انجائنا ( نثری نظم )

دماغ میں اتنی وسعت کہاں ۔۔۔۔کہ وە ہجر میں وصال کا زمانہ گزار سکے سرمستی میں گزارا ہوا رتجگا ۔۔۔۔ سو کر دیکھے ہوئے خوابوں سےکہیں بہتر ہے سینے کی شریانوں میں بھرا ہوا درد ۔۔۔۔ صرف دل ہی سہ سکتا ہے سوئے ہوئے خرد مندوں کو اس دیوانگی پر طنزیہ ہنسی آتی ہے ڈاکٹر کی لغت میں محض سانس لیتے رہنا ہی زندگی ہے زندگی ۔۔۔۔۔ کسی میڈیسن کمپنی سے تحفے میں ملے ہوۓ وال کلاک پر رینگتا ہوا وقت تو نہیں جسے اشتہار بنا کر دیوار پر لٹکا دیا جاۓ مسیحٰا۔۔۔۔۔ معذور ہے ۔۔۔۔۔۔۔۔۔۔۔۔ اُس کے پاس نیند کی گولی تو ہے لیکن خواب دیکھنےوالی آنکھ نہیں داوائیں، معدےمیں چھید کرتی ہوئی خون میں زہر گھول رہی ہیں جن کا بد ذائقہ خُمار مجھے سیڑھیوں سُلا دیتا ہے اور چھت پر پھیلی ہوئی چاندنی رات خاک میں ملتی رہتی ہے ۔